Esperanto-Kongreso 2026

Asocia vivo

Bertrand — 2026-01-22T08:56:41Z

Sabaton, la 23-an de majo, 10:30, Teatro Zamenhof :
👉🏿 Ĝenerala Jarkunsido de Espéranto-France

Sabaton, la 23-an de majo, 16:00, Videokonferenca ĉambro ĉe la Domo de Asocioj :
👉🏿 Estrara Kunveno de Espéranto-France

Sabaton, la 23-an de majo, 17:45, Ĉambro Eugène Lanti :
👉🏿 Estrara Kunveno de Eŭropo Demokratio Esperanto

Dimanĉon, la 24-an de majo, 14:45, Ĉambro Eugène Lanti :
👉🏿 Publika Kunveno
Kio estas Eŭropo Demokratio Esperanto ? Ĝia historio, ĝia nuna stato, ĝia kunlaboro kun aliaj Esperantaj organizaĵoj…
Kion oni povas fari por levi publikan konscion pri lingvaj problemoj en Eŭropo, lingva diskriminacio, kaj la avantaĝoj de Esperanta, simpla, preciza kaj justa komuna lingvo ?

Naskiĝo de la novurbo Hérouville Saint-Clair.

Bertrand — 2026-01-16T12:05:36Z

Promenado kaj malkovro de la novurbo..

Lundon, la 25-an de majo, je la 9-a horo, senpaga.

Pli da informoj sekvos.

Ĉirkaŭ la libroj

xgodivier — 2026-01-15T20:37:35Z

Renkontiĝo kun aŭtoro.

Sabaton la 23-an, 16:00, PAJ, Salono Lanti.
Gérard Sénécal : Hotelo Paradizo, kolekto de noveloj en Esperanto, eldonita de Hérouville-Espéranto.

1975 : En Koronios, la Hotelo Paradizo, konstruata sub la direkto de la greka konstruisto Dimitrios Kostantinidos, bonvenigas la familion Portal, siajn unuajn gastojn. Kiel bebo, poste kiel knabineto, la juna Milena Kostantinidos vivas feliĉan vivon. Kelkajn jarojn poste, la japana studento Takeshi Kanamori faras neatenditan vojaĝon al Grekio kun Bernard Portal. Ĉi-lasta volas reviziti la hotelon, kie li pasigis siajn infanajn feriojn. La establaĵo ŝajnas esti fermita de longa tempo !

2015 : En la hospitalo, Bernard Portal ne povas kredi siajn okulojn ! La flegistino prizorganta lin... Ĉu povus esti Milena, la filino de la greka konstruisto ?

Sabaton la 23-an, 16:00, PAJ, Salono Lanti.
Said Balouchi : Paradizo, romano en Esperanto, eldonita de Espéranto-France.

Kiu kredas paradizon, kreas inferon. Neniu vorto, en religio kaj en politiko, estas tiom mensoga kiom estas la vorto “paradizo”. Komence, ĝi estis nur “paeri daeza”, ĝardeno kun heĝmuro, sur tero. Poste iris al multaj lingvoj, al multaj religioj kaj eĉ al ĉielo. La ĉiela paradizo nun ekzistas por ĉiuj malriĉuloj, revuloj, kredantoj, sekvantoj, obeantoj, memvolaj servutoj kaj sklavoj kaj laŭ iu sankta eldiro ; ĝi estas plejparte loĝata de idiotoj.
En ĉi libro vi legos kiel du fratoj, tute ĝemelaj, unu en Irano, alia en Eŭropo, spertas du tre diferencajn vivojn. Kiom profunde povus esti grava la politikta sistemo…

Ĉi libro diras ke la demokratio estas afero kiu bezonas ĉiutagan prizorgon. Se ni lasas la prizorgadon pri la demokratio, la diktatoroj embuskas.

👉🏿 Sekvota de aliaj aŭtoroj...
⚠️ Se vi ŝatus prezenti libron, kiun vi verkis, tradukis aŭ eldonis, bonvolu kontakti nin...

Libro-servo

xgodivier — 2026-01-15T20:37:24Z

Libro-servo

Salono Baldur Ragnarsson

Krom libroj de libro-servo de Espéranto-France, vi povas aĉeti kelkajn el la verkoj distribuataj de la Brita Esperantista Asocio. Vi ankaŭ povas hejmenporti “brokantaĵoj” kontraŭ donaco laŭ via elekto.

Malfermaj tagoj kaj horoj :

Baldaŭ

Pentekosta diservo

xgodivier — 2026-01-15T18:16:44Z

Pentekosta Meso

Dimanĉo, la 24-a de majo, je la 10:30, en la Paroĥo Sankta Francisko.

Benoît Ente, dominika pastro kiu parolas Esperanton, kuncelebros la Pentekostan Meson. Tiel Esperanto aldoniĝos al la denaskaj lingvoj de la loĝantaro de Hérouville, en kies lingvoj la diservo estos celebrata.

Adreso :
Paroĥo de Sankta Francisko, Placo François Mitterrand, Hérouville-Saint-Clair

Caen centro de la urbo.

xgodivier — 2026-01-07T21:31:16Z

Ekskurso por malkovri la centron de Caen.

Sabato, la 23-a de majo - Daŭro : 2 horoj - Senpaga
Renkontiĝo je la 14:30 ĉe la Turisma Oficejo de Caen la Mer.

Du-hora piedira ekskurso tra la centro de Caen, en la franca kaj Esperanto, por malkovri ĝiajn trezorojn kaj ĝian ĉefe antikvan heredaĵon : Maison des Quatrans, Kastelo de Vilhelmo la Konkerinto, Abbeys aux Hommes kaj Abbeys aux Dames, lignokadraj domoj,
sed ankaŭ ĝian modernan heredaĵon : Avenuo du 6 Juin, Universitato...

Vi tiam povas promeni tra la urbo, ĝui la Muzean Nokton ekde la 6-a vespere kaj vespermanĝi tie...

sed ne forgesu, ke la koncerton de Armel Amiot ĉe la Atelier komenciĝas je la 9-a vespere.

Renkontiĝejo :
Turisma Oficejo de Caen la Mer - 12 Place Saint Pierre - Caen
haltejo Saint Pierre (buslinio 4 kaj tramlinio T1)

La Parko Ornavik

xgodivier — 2026-01-07T21:31:14Z

Ornavik, de la Vikingoj ĝis la Normandoj.

Dimanĉo, la 24-a de majo, je la 15-a horo surloke, daŭro 2 horoj
12 € ekskluzive de transportkostoj – 25 lokoj.----

Vojaĝu reen al la 10-a jarcento kaj eniru la historion de la kreado de Normandio, de 911 ĝis 1066, de Rollo ĝis Vilhelmo la Konkerinto. Ĝuu unikan sperton en la koro de la naturo kaj malkovru la fabelan historion de la naskiĝo de Normandio tra ĝiaj tri areoj (Karolinga, Vikinga kaj Dukeca).
----
En ĉi tiu eksperimenta kaj partoprena arkeologia ejo, entuziasmuloj enkondukos vin al forgesitaj kapabloj. Ili konstruas, forĝas, teksas kaj kultivas, revivigante teknikojn el la pasinteco inspiritajn de arkeologiaj malkovroj en Normandio kaj Skandinavio.

Adreso :
Parc Ornavik, Domaine de Beaureagrd, Hérouville Saint-Clair
Alirebleco per publika transporto :
De la haltejo PAJ-MJC, prenu buson n-r^o 6A ĝis la haltejo Saint-Clair (aŭ iru piede), poste prenu buson n-r^o 10 en la direkto de Blainville, elbusante ĉe la haltejo Ornavik.

Naturista ekskurso al Merville-Franceville...

xgodivier — 2026-01-07T21:31:11Z

Naturista ekskurso al La Merville-Franceville

Dimanĉo, la 24-a de majo, 14:30 - 19:00, Renkontiĝo en la halo PAJ, Senpaga.

Ekskurso organizita de INOE (Internacia Naturista Organizo Esperantista) al la naturisma plaĝo ĉe La Redoute en Merville-Franceville (povas esti nuligita okaze de malbona vetero).

Bicikla ekskurso al la maro

xgodivier — 2026-01-07T21:31:09Z

Bicikla ekskurso al la maro, laŭ la Kanalo de Caen ĝis la Maro

Lundo, la 25-a de majo, je la 9a matene, senpage. 10 lokoj *.
Renkontiĝo antaŭ la Urbodomo de Hérouville Saint-Clair

Organizita kunlabore kun BEMI, ĉi tiu 25-kilometra bicikla veturo laŭ la Kanalo de Caen al la Maro ĝis la lumturo de Ouistreham sekvas ĉefe ebenan itineron ; nur la mallonga supreniro laŭ la Kanalo ĝis la PAJ postulos iom da peno.

* 👉🏿 Ni disponigas 10 elektrajn biciklojn por via uzo. La nombro da lokoj estas do limigita (krom se vi kunportas vian propran biciklon).

Adreso de la renkontiĝloko :
Mairie, 11 Place François Mitterrand, Hérouville-Saint-Clair

Akademia kolokvo

xgodivier — 2026-01-07T18:01:23Z

Vendredo, la 22-a de majo, de 9:30 ĝis 16:30.
Universitato de Caen-Normandio, Kampuso 2.
Studotago organizita de IREM (Regiona instituto pri instruado de matematiko) de Caen-Normandio, Hérouville-Esperanto kaj Espéranto-France ĉe la Universitato de Caen-Normandio, Kampuso 2 okaze de la malfermo de la Franca Esperantista Kongreso.

Esperanto kaj Matematiko :
dialogo inter historio, lingvistiko, logiko kaj didaktiko

Parolantoj :

François Plantade (IREM Caen Normandio, Universitato de Nantes, historiisto de matematiko, Klubo Hérouville-Espéranto) prezentos la historion de Esperanto kaj montros la spurojn de Esperanto en la Nouvelles Annales Mathématiques ĝis ĉirkaŭ 1930.
François Lo Jacomo (matematikisto kaj lingvisto, emerita, membro de la estraro de la Universala Esperanta Asocio UEA, Ĝenerala Sekretario de la Akademio de Esperanto) prezentos la Internacian Asocion de Esperantlingvaj Matematikistoj, aktiva ekde la 1970-aj jaroj.
Laurent Mazliak (Universitato Sorbona, matematikisto kaj historiisto pri matematiko) prezentos la ukrainan matematikiston kaj esperantiston Serge Bernstein (1880-1968) kaj la kontroverton pri la uzo de Esperanto en sovetia matematiko.
Rémi Blondel (Universitato de Loreno, logistikisto kaj filozofo) prezentos la logistikiston, matematikiston kaj filozofon Louis Couturat (1868–1914), kiu estis ankaŭ esperantisto, kaj lian verkon.
Frédéric Métin (IREM Dijon, Universitato de Burgonjo, historiisto de matematiko) pri la kontroverso pri la elekto inter Esperanto kaj Ido en la frua 20-a jarcento.
Marc Bavant (lingvisto kaj inĝeniero, membro de la Akademio de Esperanto ) prezentos sian vortaron de matematikaj terminoj en Esperanto Matematika vortaro kaj oklingva leksikono, publikigita en 2003.

Ĉi tiu konferenco estas senpaga kaj malferma al ĉiuj ; la prezentoj okazos ĉefe en la franca lingvo.

Aliro al Kampuso 2
Aŭto : sekvu la nordan ĉirkaŭvojon ; elirejo 5, al Douvres-la-Délivrande
Tramo : linio T2, haltejo Campus 2
Aŭtobuso : linioj 6A, 6B kaj 33, haltejo Maréchal Juin, linioj 7 kaj 20, haltejo CPAM
Adreso : Côte de Nacre - Boulevard Maréchal Juin - Caen

Esperanto-Kongreso 2026

Asocia vivo

Naskiĝo de la novurbo Hérouville Saint-Clair.

Promenado kaj malkovro de la novurbo..

Ĉirkaŭ la libroj

Renkontiĝo kun aŭtoro.

Libro-servo

Libro-servo

Pentekosta diservo

Caen centro de la urbo.

Ekskurso por malkovri la centron de Caen.

La Parko Ornavik

Ornavik, de la Vikingoj ĝis la Normandoj.

Naturista ekskurso al Merville-Franceville...

Naturista ekskurso al La Merville-Franceville

Bicikla ekskurso al la maro

Bicikla ekskurso al la maro, laŭ la Kanalo de Caen ĝis la Maro

Akademia kolokvo

Esperanto kaj Matematiko : dialogo inter historio, lingvistiko, logiko kaj didaktiko

Esperanto kaj Matematiko :
dialogo inter historio, lingvistiko, logiko kaj didaktiko