Esperanto-Kongreso 2026

Akademia kolokvo

xgodivier — 2026-01-07T18:01:23Z

Vendredo, la 22-a de majo, de 9:30 ĝis 16:30.
Universitato de Caen-Normandio, Kampuso 2.
Studotago organizita de IREM (Regiona instituto pri instruado de matematiko) de Caen-Normandio, Hérouville-Esperanto kaj Espéranto-France ĉe la Universitato de Caen-Normandio, Kampuso 2 okaze de la malfermo de la Franca Esperantista Kongreso.

Esperanto kaj Matematiko :
dialogo inter historio, lingvistiko, logiko kaj didaktiko

Parolantoj :

François Plantade (IREM Caen Normandio, Universitato de Nantes, historiisto de matematiko, Klubo Hérouville-Espéranto) prezentos la historion de Esperanto kaj montros la spurojn de Esperanto en la Nouvelles Annales Mathématiques ĝis ĉirkaŭ 1930.

François Lo Jacomo (matematikisto kaj lingvisto, emerita, membro de la estraro de la Universala Esperanta Asocio UEA, Ĝenerala Sekretario de la Akademio de Esperanto) prezentos la Internacian Asocion de Esperantlingvaj Matematikistoj, aktiva ekde la 1970-aj jaroj.

Laurent Mazliak (Universitato Sorbona, matematikisto kaj historiisto pri matematiko) prezentos la ukrainan matematikiston kaj esperantiston Serge Bernstein (1880-1968) kaj la kontroverton pri la uzo de Esperanto en sovetia matematiko.

Rémi Blondel (Universitato de Loreno, logistikisto kaj filozofo) prezentos la logistikiston, matematikiston kaj filozofon Louis Couturat (1868–1914), kiu estis ankaŭ esperantisto, kaj lian verkon.

Frédéric Métin (IREM Dijon, Universitato de Burgonjo, historiisto de matematiko) pri la kontroverso pri la elekto inter Esperanto kaj Ido en la frua 20-a jarcento.

Marc Bavant (lingvisto kaj inĝeniero, membro de la Akademio de Esperanto ) prezentos sian vortaron de matematikaj terminoj en Esperanto Matematika vortaro kaj oklingva leksikono, publikigita en 2003.

Ĉi tiu konferenco estas senpaga kaj malferma al ĉiuj ; la prezentoj okazos ĉefe en la franca lingvo.

Aliro al Kampuso 2
Aŭto : sekvu la nordan ĉirkaŭvojon ; elirejo 5, al Douvres-la-Délivrande
Tramo : linio T2, haltejo Campus 2
Aŭtobuso : linioj 6A, 6B kaj 33, haltejo Maréchal Juin, linioj 7 kaj 20, haltejo CPAM
Adreso : Côte de Nacre - Boulevard Maréchal Juin - Caen

Esperanto kafejo

xgodivier — 2026-01-07T18:01:21Z

Vendredo, la 22-an de majo. Kafejo de la kino Café des Images.

Konatiĝu kun la loĝantoj de Hérouville kaj ĝuu ludojn organizitajn de Espéranto-Vendeo.

👉🏿 Ĉi tiu evento estas senpaga kaj malferma al ĉiuj.

Alirebleco :
Tramo : linio 1, Buso : linio 6, haltejo Café des Images - Hérouville Saint-Clair
Adreso :
Café du ciné Café des Images, 48 Avenue de la Grande Cavée, Hérouville-Saint-Clair

Kino, vojaĝo kaj Esperanto

xgodivier — 2026-01-07T18:01:19Z

Prezentado de la filmo Esperante Eŭropen, renkontiĝo kun Gabin Forcier.

Vendredo, la 22-a de majo, je la 20:00, en la Kinejo Café des Images, salono Tati.

Gabin Forcier estas juna esperantisto el Nanto, aktiva en la asocioj JEFO kaj TEJO. Dum ses monatoj, li petveturis tra Eŭropo por renkonti esperantistojn kaj profundigi sian scion pri la lingvo kaj la movado. Dum sia vojaĝo, li vizitis 20 landojn, partoprenis en 5 eventoj, kaj pasigis 85 noktojn kun esperantistoj !

Per dokumenta filmo, subtenata de la Normandia Regiono, li montras, ke Esperanto funkcias kiel internacia lingvo por vojaĝi, komuniki kaj amuziĝi.

👉🏿 Ĉi tiu prezento estas senpaga kaj malferma al ĉiuj, laŭ disponeblo. La filmo estas en Esperanto kun francaj subtekstoj.

Aliro :
Tramo : linio 1, Aŭtobuso : linio 6, haltejo Café des Images - Hérouville Saint-Clair
Adreso :
Café des Images, 4 Square du Théâtre, Hérouville-Saint-Clair